Panibagong mga armas nasamsam sa mga Ampatuan

MANILA, Philippines - Sari-saring mga armas ang panibagong nasam­sam ng mga intelligence operatives ng militar ma­tapos salakayin ang isa pang hinihinalang arms cache ng maimplu­wen­syang angkan ng mga Ampatuan sa isinagawang raid sa Brgy. Bagong, Shariff Aguak, Maguin­danao kamakalawa.

Kabilang sa mga na­kuha ay tatlong M60 ma­chi­neguns, isang K3 Mi­nimi, 12 M14 rifles, 15 M16 rifles, 3 M16 rifles na bu­rado ang serial numbers, dalawang M1 carbine at isang cal. 30.

Ang operasyon ay ka­ugnay ng pinaigting na paglalansag ng mga Private­ Armed Groups (PAGS) ng mga political warlords sa Maguindanao at pagha­hanap sa mga armas na po­sibleng gina­mit sa ma­du­gong masaker ng 57 katao noong Nob­yembre 23.

Samantala, bandang alas-2 naman ng hapon kamakalawa ay nagsuren­der ng kanilang mga armas ang mga Civilian Volunteers Organization (CVO) at CAFGUs sa Guindu­lungan, Maguindanao.

Kabilang sa isinuko ng mga ito ay limang M14 rifles, tat­long M16 rifles, dala­wang carbine rifles at limang garand rifles.

Nagpapatuloy naman ang pagtugis sa mga loya­listang CVO’s ng angkan ng mga Ampatuan na isi­na­sangkot sa mala­gim na masaker. (Joy Cantos)