99 kakandidatong pangulo

MANILA, Philippines - Mas maraming kandi­dato ang naghain ng certificate of candidacy (COC) ngayong taon kumpara noong 2004 presidential elections.

Ayon kay Atty. Ferdi­nand Rafanan, director ng Comelec Law Department, simula noong Nobyembre 20 hanggang nitong ha­tinggabi ng Disyembre 1, umaabot sa 99 na aspi­rante sa pagka-pangulo ang naghain ng COC na mas mataas ng 15 kum­para sa 84 lamang na nag­hain ng COC noong 2004.

Umabot naman sa 20 ang naghain ng COC para sa pagka-bise presidente, na mas mababa rin naman kumpara sa 21 noong 2004 elections, habang tumaas din ang bilang ng mga interesadong tu­makbo sa senatorial race, na umabot sa 158, kum­para sa 88 noong 2004.

Nabatid na ang kahuli-hulihang nag-file ng COC ay si Manuel Po, na du­ma­ting sa Comelec ek­sakto alas-12 ng hating­gabi. Tinanggihan noong una ng mga em­ pleyado ng Co­melec na tanggapin ang COC nito dahil magsasara na ang tanggapan ngunit mala­unan ay pinayagan na rin ito.

Kasabay nito, inamin naman ni Rafanan na hindi lahat ng naghain ng COC ay mapapayagang tumak­bo sa 2010 polls.

Batay sa pagtaya ni Rafanan, 25 lamang sa presidentiables, 15 sa VP as­pirants at kalahati la­mang ng mga senatoriables, ang kuwalipikadong makalahok sa halalan.

Sa datos ng Comelec, aabot sa 17, 888 na go­vern­ment seats ang naka­takdang punan sa darating na eleksyon.

Kabilang dito ang tig-isang slot sa pagka-Pa­ngulo at pangalawang Pa­ ngulo, 12 sa Senado, 222 sa Mababang Kapu­lungan ng Kongreso, 80 sa pagka-Gobernador at Bise-Gober­nador, 762 provincial board members; 120 city mayors at vice mayors; 1,514 municipal mayors at vice mayors; 1,346 city councilors; at 12,116 para sa municipal councilors­. (Mer Layson)