Stop killing journalists!

MANILA, Philippines - Nanawagan kahapon si Philippine Green Republican Party Founding Chairman Dr. Felix Cabrera Cantal sa mga tradisyunal na pulitiko na huwag idamay sa karahasan ang mga mamamahayag.

Ginawa ni Cantal ang paha­yag ka­sabay ng pag­sasampa niya ng Certificate of Candidacy para sa kan­yang kandidatura sa halalang pampa­nguluhan sa 2010.

Ayon kay Cantal na matagal na naging opisyal ng United Nations, dapat igalang ang mga miyembro ng Fourth Estate kaya ma­sa­sabing hindi maka­tao ang pagpas­lang sa mahigit 30 lokal na mama­mahayag sa Maguindanao massacre.

    “Hindi ko mapapayagan ang anu­mang karahasan sa aking administrasyon at ipaglala­ban ko hanggang sa aking huling hininga na mapanga­lagaan ang dignidad at ka­halagahan ng buhay ng ating mga kababa­yan,” ani Cantal. “Hindi dapat maulit ang ganitong karahasan laban sa mga mamama­ha­yag, napakahalaga ng bu­hay para masayang lamang dahil sa karahasang pampulitika.”

Idinagdag ni Cantal na napa­kahalaga ng serbisyo publiko pero iba ang pakahulugan dito ng mga tradisyunal na pulitiko na nagnanakaw lamang sa kaban ng bayan kapag naluklok na sa puwesto.(Butch Quejada)