MILF kay Ebdane: Unahin ang plataporma sa Mindanao

MANILA, Philippines - Nanawagan kahapon kay Partido ng Mangga­-ga­wa at Magsasaka standard bearer Hermogenes Eb­dane Jr. ang Moro Islamic Liberation Front na bigyang halaga sa kan­yang plataporma de gob­yerno ang matagal ng pro­blema sa Mindanao, ang kapayapaan at kaayusan.

Sinabi ng tagapagsa-lita ng MILF na si Eid Ka-balu, nakakalamang si Ebdane sa ibang kandi­dato sa pagkapangulo dahil may kakayahan at kasanayan si Ebdane upang isaayos ang gusot sa kanilang lugar bunga ng naging tra­baho nito bilang pulis at kalihim ng National Defense (Tanggu­lang Pambansa).

“Hindi siya politiko kaya naman hindi siya sanay sa mga propaganda. Ang kapayapaan ang kanyang dapat maging panguna­hing agenda. Hindi namin siya iniendorso subalit may mga katangian siya na maging isang pinuno ng bansa kung bibigyan ng pagkakataon,” ani Kabalu.

Aniya, kung pagbaba­se­han ang tala ni Ebdane bilang isang pulis, wala siyang “bad record” (pangit na ginawa).

Pinayuhan ng lider ng MILF si Ebdane na saka­ling maging presidente siya, kailangang seryo­so­hin niya ang paglutas sa kaguluhan sa Mindanao.

Ayon kay Kabalu, ma­ra­ming naipagawang kal­sada si Ebdane noong ka­lihim pa siya ng Public Works and Highways na naging malaking tulong sa mga magsasaka sa kala­kalan. (Butch Quejada)