Pinoy pilgrims sa UAE dapat may AH1N1 vaccine

MANILA, Philippines - Dahil sa nakatakdang Haj, inianunsyo ng pama­halaang United Arab Emirates na maaari nang mag­pasailalim sa AH1N1 vaccination ang lahat ng Haj pilgrims kabilang na ang mga debotong Pinoy.

Ang mga health centers na binuksan para sa pagpapabakuna kontra sa nakamamatay at nakaha­hawang AH1N1 flu virus ay ang Al Mamzar, Al Tawar, Mankhool, Nadd Al Sheba, Hatta at Al Safa primary health clinics.

Tinatawagan ni Dr. Ahmed Ibrahim bin Kal­ban, CEO ng Primary Health sector ang mga pilgrims na magtutungo at dadagsa sa nabanggit na mga center na magpaturok kung saan ang H1N1 vaccination ay compulsory sa lahat ng mga pilgrims.

Sinabi ni Dr. Kalban na mabibigyan ng health certificate ang bawat pilgrim bilang patunay na naturu­kan ng AH1N1 vaccine.

Libre ang pagpapa­kuna kontra flu virus at sa pag-aasiste sa mga pas­yente sa mga centers.

Ang Haj ay isinasa­gawa tuwing Nobyem­bre. (Ellen Fernando)