Pulitika sa Biliran umiinit

MANILA, Philippines - Pinag-aaralan na uma­no ngayon ng Commission on Elections ang posibili­dad na isailalim sa kani­lang kontrol ang lalawigan ng Biliran kung magpa­patuloy ang mainit na pa­litan ng akusasyon sa pa­gitan nina Biliran Rep. Glen Chong at Biliran Gov. Rogelio Espina.

Ayon kay Comelec Region 8 acting regional director Atty. Jose Mendros, mahigpit nilang inoobser­bahan ang sitwasyon ng pulitika sa lalawigan upang mabatid kung kakaila­nganin pa nga na ilagay ito sa kanilang kontrol.

Sinabi ng Comelec official na habang papalapit ang halalan ay lalong umiinit ang sitwasyon ng pulitika sa lugar.

Aniya, nakakatanggap na rin sila ng mga reklamo na mayroong pulitikong kumuha na umano ng mga goons sa Samar at may pulitikong nagtatago ng maraming armas na posib­leng gamitin ngayong elek­syon.

Naging mas mainit pa umano ang sitwasyon ng pulitika sa Biliran matapos na ihayag ni Espina na ta­takbo itong kongresista at kakalabanin si Chong at iniulat din na tatakbo uma­nong gobernador sa nasa­bing probinsya ang tatay ng kongresista.

Alinsunod sa Republic 7166 (Omnibus Election Code), ang Comelec ay may awtorisasyon na isa­ilalim sa kontrol nito ang mga lugar na mayroong “intense” political rivalry sa pagitan ng mga kandidato, political factions o partido. (Mer Layson)