Artista bawal na sa pelikula, TV

MANILA, Philippines - Pinag-aaralan na ng Commission on Election na pagbawalan ang mga artistang politiko na lu­mabas sa pelikula o sa telebisyon sa susunod na buwan lalo pa at naka­paghain na ng kanilang kandidatura para sa 2010 elections.

Ayon kay Comelec Spokesman James Jime­nez, kung ang mga per­sonalidad mula sa Radio, TV at print media ay nag­hahain ng leave of absence sa kanilang tra­baho kung sila ay tatakbo sa halalan at manga­ngampanya, dapat ding ipatupad ito sa mga ar­tista na pumapasok sa pulitika, dahil malaking ben­tahe aniya para sa mga actor-politician ang paglabas sa mga pelikula sa panahon ng kam­panya.

Pinaalalahanan din ni Jimenez ang mga aktor-politiko na humingi muna ng payo mula sa Comelec para hindi magkaroon ng problema sa kanilang kandidatura tulad ng posibleng diskwalipi­kasyon.

Nabatid na sina dating pangulong Joseph Es­trada at Senador Ra­ mon “Bong” Revilla Jr., na matunog na tatakbo sa 2010 polls, ay kap­ wa mayroong pelikula na nakatakdang ipala­bas bago matapos ang taon, habang ang pag­hahain ng CoC ay isa­sagawa sa November 20-30 at ang campaign period ay si­simulan 90-araw bago ang May 10 election.

Ipinaliwanag na rin naman aniya noon ng Comelec Law Department kay Sen. Revilla na ang pagpapalabas ng pelikula nitong “Panday” bago ang campaign period ay maaring maging premature campaigning. (Mer Layson)