MANILA, Philippines - Naibuslo ng iisang tao lamang ang P79.392-million Superlotto 6/49 jackpot sa bola ng Philippine Charity Sweepstakes Office nitong Huwebes ng gabi.
Ayon sa PCSO, ang nanalong combination para rito ay 03-27-28-08-05-01.
Gayunman, tikom ang bibig ng PCSO na pangalanan ang lone winner para sa seguridad nito.
Noong Agosto 30, isa rin ang nanalo sa P150.952-million pot ng Superlotto draw ng PCSO.
Ang pinakamalaking lotto jackpot na napanalunan ay noong Pebrero 22, 2009 kung saan dalawang katao naman ang naghati sa P347-million prize. (Angie dela Cruz)