P30 million dagdag na 'pork' hirit

MANILA, Philippines - Karagdagang P30 million ang iminumungkahing pondo sa ‘pork barrel’ ng mga kongresista ang isinu­sulong ni Sorsogon Rep. Jose Solis sa Kamara.

Pabor naman si House Speaker Prospero Nogra­les sa karagdagan pondo dahil makakatulong ang nasabing pera sa mga proyekto nila sa kani-kanilang lugar.

Sa ngayon ay may P70 million ang pondo ng mga kongresista sa kanilang pork barrel o CDF.

Ayon kay Nograles, ang nasabing pera ay hindi magagamit sa eleksyon sa susunod na taon bagkus ito aniya ay pondo sa mga karagdagan proyekto ng kanilang mga constituent. (Butch Quejada)