MANILA, Philippines - Maliban sa video footage ay may hawak ring mga testigo ang dalawang kaalyadong partylist groups ng Armed Forces of the Phi lippines na magpapatunay laban sa tunay na pagkatao ng kontrobersyal na Fil-American activist na nakunan ng video habang nagsasanay sa kampo ng mga rebeldeng New People’s Army sa isang lugar sa kabundukan ng Luzon.
Nauna rito, hinubaran ng Alliance for Nationalism and Democracy at Bantay partylist groups nina Reps. Pastor Jun Alcover at ret. Major Gen. Jovito Palparan ang lihim ng Fil-American na si Melissa Roxas.
Ikinakatwiran naman ng militar na mga dating kasamahang rebelde ni Roxas ang dumukot at tumorture rito matapos na mabatid na plano nitong tumiwalag sa partido komunista upang landasin na ang pagbabagumbuhay. (Joy Cantos)