Koko Pimentel nalo sa Senate Electoral Tribunal recount

MANILA, Philippines - Nanalo umano bilang senador si Aquilino “Koko” Pimentel III sa halalan noong 2007 at hindi ang mahigpit na karibal niyang si Miguel Zubiri na naka­upo ngayon sa mataas na ka­pulungan bilang ika-12 se­nador na ipinroklama ng Commission on Elections. 

Ito ay makaraang pu­mabor kay Pimentel ang ballot recount ng Senate Electoral Tribunal na ang basehan ay ang tinatawag nilang “pilot precincts”.

Base sa pilot precincts recount, umabante si Pi­mentel ng mahigit 200,000 boto laban kay Zubiri.

Ang pilot precincts na nagpatibay sa panalo ni Pimentel ay ang mga ba­yan ng Buluan, Ampatuan, Paglat at Guindulungan sa Maguindanao; Sultan Naga Dimaporo, Slavador at Matungao sa Lanao del Norte; Sultan Kudarat sa Shariff Kabunsuan at Tapul, Sulu.

Ayon sa datos ng Comelec, tinalo ni Zubiri si Pimentel sa pamamagitan ng mahigit 19,.000 boto na nagmula umano sa pinag­talunang resulta ng hala­lan sa Maguindanao.          

Sa panig naman ni Zu­biri, iginiit nito na, bilang isang abogado marapat lamang na hintayin ni Pi­mentel ang proseso hang­gang sa matapos ito at bago gumawa ng pinal na kon­klusyon. (Butch Quejada)