Mano-manong bilangan ok lang

MANILA, Philippines - Naniniwala si Joey de Ve­necia III na maaari pa rin na­mang asa­han na magiging tapat at malinis ang magi­ging resulta ng halalan kahit ma­ging mano-mano pa ang pa­raan ng bilangan. 

Ani Joey, hangga’t may na­titira pang tiwala ang pub­liko sa inte­gridad ng Comelec, hindi na aniya kailangan pang ma­ ngamba ng mama­mayan sa magi­ging resulta nito.

Kailangan lamang an­yang maging alerto ang publiko sa posibleng ma­la­wakang dayaan tulad na lamang ng naganap noong 2004, kung saan hanggang sa kasa­lu­ku­yan ay mara­ming tao pa rin ang nanini­wala na ang tunay na nag­wagi sa ha­lalang pampa­nguluhan ay ang yumaong si Fer­nan­do Poe, Jr., at hindi si Gloria Arroyo. Patu­nay pa aniya ang paglabas ng ‘Hello Garci’ tapes na nagpapa­tibay lamang na may naga­nap na dayaan nang pana­hong iyon.

Sinabi pa ni Joey na ang pagkansela ng dala­wang kum­­panya sa na­pag­kasunduang partnership ay hindi nanga­nga­hulugang kailangang isan­tabi ang halalan sa su­sunod na taon. Kailangan aniyang ma­tuloy pa rin ang elek­syon, anuman ang mang­yari. (Butch Quejada)