Alahas di isosoli kay Imelda

MANILA, Philippines - Sa halip na isauli ay mas pabor si Justice Secretary Agnes Devanadera na ipagbili na lamang ang mga alahas ni dating Unang Ginang Imelda Marcos.

Sa kanyang pagkiki­pag­pulong sa mga piskal at prosecutors­  sa Maynila, sinabi ni Devanadera na mas makakadagdag pa ito ng pondo para sa mga pro­yekto ng pamahalaan at maging sa mga kaku­langan sa pondo ng mga empleyado.

Ayon kay Devanadera, maraming mga empleyado ng pamahalaan ang maa­aring mabigyan ng sapat na sahod mula sa pagbe­bentahan ng mga alahas ni Imelda. (Doris Franche)