Mancao ikinuha ng food taster

MANILA, Philippines – Ligtas at mahigpit na seguridad ang ipinatu­tupad ng National Bureau of Investigation kay dating Police Superintendent Cesar Mancao kabilang ang pagtata­laga ng ‘ta­gatikim’ ng pagkain o food taster bago isilbi sa ka­niya upang hindi mala­son.

Sinabi kahapon ni Atty. Reynaldo Esme­ ral­da, deputy director for regional operations services, na bukod sa ‘food taster’ ay may bantay itong sniffing dogs sa paligid ng safe­house.

Bukod pa rito, may master list din para sa mga bisitang papaya­gang maka­da­law kay Mancao at ma­aring pu­mili la­mang ito kung sino ang gusto niyang ma­kapasok sa kaniyang kuwarto ha­bang may nakabantay ding alert team ng NBI. Hindi papayagan maging ma­tataas na opis­yal ng gob­yerno na makausap o mabisita si Mancao kung hindi ka­bilang sa master list.

Hindi rin maaring ka­panayamin si Mancao ng media o sinumang opsiyal at empleyado ng NBI kung walang pahin­tulot.

Ang seguridad ay ka­palit ng kondisyong han­dang tumestigo si Man­cao sa kasong pagpas­lang sa publicist na si Salvador Dacer at driver nitong si Emmanuel Cor­bito. (Ludy Bermudo)