Transport strike ibinabala

MANILA, Philippines – Nagbanta ng mala­wakan at malakihang transport strike ang mili­tanteng Pinagkaisang Samahan ng mga Tsuper at Operators Nationwide dahil sa panibagong pag­taas ng halaga ng gaso­lina at diesel.  

Ayon kay Piston Secretary General George San Mateo, ang gaga­wing pagkilos ay layuning maipadama sa pamaha­laan ang kanilang matin­ding pagkondena sa pag­taas ng presyo ng gaso­lina na umaabot sa P1.50 kada litro.  

Hindi anila maka­twiran ang hakbang na ito lalupat hindi pa nakaka­bangon ang maliliit na driver sa epekto ng ka­hirapan dulot ng global cri­sis    

Kaugnay nito, giniit naman ni Efren de Luna, pangulo ng Allianced of Transport Organization na ibalik agad ng Land Transportation Franchising and Regulatory Board ang dating minimum fare na P7.50 mula sa kasa­lukuyang P7.00 sa bawat unang apat na kilometro.   

Idiniin ni De Luna na pipilitin nilang kumbin­sihin ang LTFRB na ibi­gay ang P.50 sentimos na dagdag sa pamasahe sa lalong madaling pa­nahon.   

Kaugnay nito humingi naman ng pang-unawa si De Luna sa publiko lalo na yung mga sumasakay ng jeeps na unawain sila sa mga pangyayari dahil na rin sa wala silang magagawa kundi itaas ang pamasahe. (Angie dela Cruz)