Nursing pinakapopular pa rin na kurso sa kolehiyo

MANILA, Philippines - Sa kabila ng papa­babang pangangailangan sa abroad, nangunguna pa rin ang “nursing” sa pi­nakapopular na kur­song kinukuha ng mga bagong enrollees sa kolehiyo ngayong taon, ayon sa Commission on Higher Education.

Sa inisyal na datos na nakalap ng CHED, naka­pagtala na ng 422,978 na naka-enroll ng estud­yante sa kursong nursing, ikalawa ang hotel and restaurant management (HRM) na may 123,523 enrollees; kasunod ang “Elementary Education” na may 95,725 enrollees at nasa ikaapat ang kursong “Computer Science” na may 95,134 enrollees.

Sinabi ni CHED Chairman Emmanuel Angeles na marami pa rin sa mga kabataan ang umaasa na ang kursong nursing ang maghahatid sa kanila na makakuha ng trabaho sa ibang bansa sa kabila ng pababang “demand” nito ngayon. 

Gayundin uma­no ang kursong HRM na mara­ming bansa ang nanga­ngailangan ng hotel employees lalo na sa Dubai.

Ang iba pang mas po­pu­lar na kurso kada taon ay ang “Criminology, Accountancy, Management, Secon­dary Education at English Education”. (Danilo Garcia)