Konsehal kinasuhan ng estafa

MANILA, Philippines – Sinampahan ng ka­song estafa ang dating Konsehal ng Tanauan, Batangas matapos uma­nong mabigo itong mag­bayad ng utang na nag­kakahalaga ng P18.6 M.

Sa record ng korte si Herminio R. Vivas ay na­ngutang umano sa President Jose P. Laurel Bank Inc., kung saan iprinenda nito ang kan­yang pitong ari-arian.

Noong Marso 2008 ay tinangka umano ni Vivas na makuha ang owners duplicate copies ng mga titulong na­iprenda nito ngunit hindi ito nagta­gum­pay dahil sa hindi pa naka­ka­ba­yad ng kanyang utang.

Bunsod nito’y na­pilitan si Vivas na mag-isyu ng mga cheke ng RCBC na may petsang March 15, 2008 para makuha ang mga na­sabing titulo.

Subalit pagsapit ng nabanggit na petsa ay tumalbog ang inisyu nitong cheke dahil isi­nara nito ang kanyang account sa RCBC.

Makailang ulit na uma­nong pinaabisuhan si Vivas hinggil sa tumalbog nitong cheke ngunit hindi ito umak­siyon. (Angie dela Cruz)