MANILA, Philippines - Nagdeklara kahapon si Pangulong Gloria Macapagal-Arroyo ng isang “national day of celebration” matapos magwagi si Manny Pacquiao sa kanyang kalaban na si Ricky Hatton.
Ito ang nabatid kahapon kay Press Secretary Cerge Remonde na nagsabi pa na maghahandog ang Pangulo ng isang pananghalian para kay Pacquiao pagbalik nito sa Pilipinas mula sa United States.
Sinabi ni Remonde na, bagaman nasa opisyal na pagbisita sa Egypt ang Pangulo at ilang delegado ng pamahalaan, hindi magkamayaw ang kanilang katuwaan nang mabalitaan nila ang tagumpay ni Pacquiao. (Rudy Andal)