Chip Tsao bibisita sa Pinas

MANILA, Philippines - Kinumpirma kahapon ni Immigration Commissioner Marcelino Libanan na maaari nang makapa­sok sa bansa si Hong Kong Magazine columnist Chip Tsao matapos hu­mingi ito ng tawad kaug­nay sa ka­niyang nailat­halang ar­tikulo na may titulong “The War at Home” na tumukoy sa panlalait sa mga Pinoy noong Marso 27, 2009 at pagbatikos sa iginigiit na claim ng Pilipinas sa Spratlys islands.

Tinanggal na umano sa blacklist order si Tsao alin­sunod na rin sa na­ging rekomendasyon ni Department of Foreign affairs (DFA) Sec. Alberto Ro­mulo matapos ang apology nito at ng editors ng nasabing magazine.

Matatandaang nai-ban sa bansa si Tsao ng BI su­ba­lit igiiniit noon ni Liba­nan na kung hihingi ng tawad ay pagbibigyan ito at sa­kaling lumibot sa maga­gan­dang lugar sa bansa ay siya pa mismo ang sa­sama sa pag-iikot nito upang mapalitan ang ban­sag na ‘nation of servants’ at sa halip ay ma­tawag na niyang ‘nation of professionals’ ang Pili­pinas.

Nagpaha­yag na ng interes si Tsao na bumi­sita sa Pilipinas, nang bumi­sita ito sa kon­sulada ng Pilipi­nas sa Hongkong kasunod ng paghingi ng apology. (Ludy Bermudo)