Pinoy na nadamay sa lindol sa Italy inaalam

MANILA, Philippines – Inaalam ngayon ng Embahada ng Pilipinas sa Italy kung merong Pilipino sa mga biktima ng 6.3 magnitude na lindol sa nasabing bansa sanhi ng pagguho ng mga gusali sa Timog-Silangang ba­hagi ng Rome na ikina­matay ng may 27 katao nitong Lu­nes.

Ito ay mula na rin sa direktiba ng Department of Foreign Affairs kasu­nod ng kautusan ng Ma­lacañang na tingnan ang kalagayan ng mga Pili­pinong apek­tado sa ma­lakas na lindol.

Base sa report ng US Geological Survey, matin­ding pinsala ang inabot ng L’Aquila City sa Timog-Si­langan ng Roma dahil sa lindol.

Tinatantya naman ng mga awtoridad at search and rescue teams sa Italy na aakyat pa ang bilang ng mga nasawi o na­sugatan sa trahedya dahil sa mga pagguho ng mga gusali at mga residential condominiums sa lung­sod.

Ayon sa DFA, naki­pag-ugnayan na ang Em­ba­hada sa Filipino community mula sa lugar na na­apektuhan ng ma­lakas na paglindol sa Central Italy. (Ellen Fernando)