Porontong, sandals na may medyas, dapat suot ng PUV drivers - LTFRB

MANILA, Philippines - Para naman maging neat at professional look ang mga driver ng mga pampasaherong sasak­yan, payag na ang Land Transportation Franchising Regulatory Board (LTFRB) na magsuot ang mga ito ng porontong, sandals na may strap at may medyas.

Sa isang press con­ference, sinabi ni LTFRB Chairman Alberto Suan­sing na ilang pasahero ang nagrereklamo na mara­ming driver ang naka-tsi­nelas at naka-sando kapag nagmamaneho.

Napatunayan din ito ni Suansing sa kanyang pag­sakay sa mga pam­ pasa­herong jeep at bus ay nakakakita siya ng driver na naka-sando at tsinelas dahil nga sa init ng pana­hon.

Ayon kay Suansing, bawal sa mga driver na magsuot ng sando at tsi­nelas. Pero dahil summer pinapaya­gan na ang mga ito na magsuot ng sandals na may strap pero dapat ang mga ito ay naka­suot ng medyas. Dapat din ay naka-uniform at hindi sando.

Hindi rin maaring mag­pahaba ng buhok ang mga ito, wika pa ni Suan­sing. (Angie dela Cruz)