Teodoro walang tampo kay Danding

MANILA, Philippines - Wala ni katiting na tampo si Defense Secretary Gilberto Teodoro Jr., sa kanyang tiyuhing si Nationalist People’s Coalition (NPC) Chairman Emeritus Eduardo “Dan­ding “Co­juangco mata­pos itong malaglag sa hanay ng mga na­ pipisil na kan­didato sa 2010 national elections ng natu­rang partido.

Sa pahayag ni Teo­doro, matagal na niyang nilisan ang NPC kasu­nod ng paglutang na sina Sens. Francis ‘Chiz’ Es­cudero at Loren Le­garda ang pinag­pipi­ liang standard bearer ng NPC.

Ayon kay Teodoro, hindi niya ito itinutu­ ring na problema at hindi rin ito makakaapekto kung sa­kali sa kan­yang inten­syong tu­makbo sa presidential elections.

Ipinaliwanag ni Teo­doro na simula nang tang­gapin niya ang panu­nungkulan sa ga­ binete bilang Defense Chief ay nanganga­hu­lugan ito ng kanyang pakikipag-al­yan­sa sa partido ni Pa­ngulong Arroyo.

Ayon pa sa Kalihim, hanggang sa ngayon ay nananatiling matatag ang kanilang samahan ng mga Cojuangco kahit na naging kaalyado pa siya ng ruling party. (Joy Cantos)