30,000 baboy pa susuriin sa Ebola

MANILA, Philippines - Aabot sa 30,000 pang mga baboy sa Regions 1, 2 at 3 ang target isailalim ng Bureau of Animal Industry (BAI) sa random test upang ala­min kung apek­tado ito ng Ebola reston virus.

Ito ang inihayag ni BAI Chief Davinio Cat­ bagan matapos mag­patuloy ka­hapon ang depopulation o pagma­saker sa mga baboy sa isang hog farm sa Pan­di, Bu­lacan.

Sinabi ni Catbagan na 300-400 baboy sa nasa­bing farm ang ka­nilang isinailalim sa depopulation.

Sinabi ni Catbagan na kapag wala ng Ebola res­ton virus ay maari na mu­ling mag-alaga ng mga ‘breeder pigs‘ at magpa­tuloy na ang nasus­pin­deng operasyon ng Pan­ di hog farm.

Samantala upang ma­­­katiyak naman na hindi apektado ng Ebola ang iba pang mga farm ay isu­sunod nila ang pagsasa­gawa ng random test sa Region 1, 2 at 3.

Sa huling talaan ng BAI ay umaabot na sa 5,568 ang mga baboy na naisa­ila­ lim na sa pag­sunog nitong Huwebes at naidag­dag ang 300-400 pa kaha­pon.