Imus naglunsad ng giyera vs droga sa job sites

IMUS, Cavite, Philippines — Nag­lun­sad ang lokal na pa­munuan ng bayang ito ng isang agresibong kam­panya laban sa ipinagba­bawal na droga na pinala­laganap ng mga drug pushers maging sa loob ng mga kumpanya at ibat-ibang establishments na bumibik­ tima sa mga mang­gagawa.

Sinabi ni Mayor Manny Maliksi na ang kampanya ay kailangan upang mabig­yan ng proteksyon ang mga employers at ganun din na­man ang mga mang­ga­gawa kaugnay na rin ng mga ulat na ang ilang mga aksidente na naganap ka­ma­kailan sa loob ng mga kumpanya ay may kaugna­yan sa pag­gamit ng droga o di kaya na­man ay pagka-lasing.

Ang ilan sa mga mang­gagawang maaring una­hing isailalim sa random drug testing ay mga construction workers, drivers at mga empleyado ng ibat-ibang establisyemento na naugnay kamakailan lang sa mga aksidente na pinag­hihinalaang dulot ng pag­ gamit ng bawal na gamot.

Hinimok din ni Maliksi si Vice Mayor Mandy Ilano na kaagad kumbinsihin ang sangguniang pamba­yan na bumalangkas ng ordinansa na magbibigay ng parusa kaugnay ng paggamit ng droga at mga nakakalasing na alak sa trabaho.

Ipina­hayag naman ni Vice Mayor Ilano ang kan­yang pag­suporta sa pla­nong drug testing sa mga mang­ga­gawa lalo na iyong pi­nag­hihinalaang nasa ilalim ng impluwensiya bago pa man siya puma­sok ng work site.

Sumang-ayon din si Councilor Dondon Yam­bao, na isang dating union leader, sa panuka­lang drug testing sa mga manggagawa.