Pacman target ng bomba sa Gensan

Target umano ng bom­bang natagpuan sa General Santos City sa South Cotabato ang birthday ng pambansang kamao na si Manny “Pacman“ Pac­quiao.

Ito ang isa sa lumilitaw kaugnay ng patuloy na isinasagawang imbesti­gas­yon ng Joint Task Force Gensan sa pag­ka­katagpo sa eksplosibo.

Ang narekober na Improvised Explosive Device (IED) noong Disyem­bre 18 ay pinaniniwa­laang na­bigong maitanim sa bonggang selebras­yon ng kaarawan ni Pac­man sa KCC Convention Center na dinaluhan ng mga pangunahing perso­nalidad sa gobyerno ka­bilang si Pangulong Arroyo noong Disyembre 17.

Naniniwala si Capt. Amerigo Cope, tagapag­salita ng Joint Task Force-Gensan, na doon na mismo ini-assemble sa Room-16 ng Zabala Sanitary Lodge ang IED na natagpuan noong Dis­yem­bre 18 ng hapon.

Wala pang matukoy na suspect ang Task Force Gen­san sa natag­puang bomba kung saan tatlo katao umano ang nag­check-in sa nasabing lodge at ang pangalang Mike Sangki lamang ang ipinalis­ ta ng mga ito sa kahera ng nasabing lodging inn.

Magugunitang inila­gay sa isang baunan ang bomba at kinabitan ng wire at isinaksak sa kur­yente pero nabigo ang mga suspect sa kanilang balakin dahil sa maigting na pagpapatupad ng se­guridad ng mga awtoridad sa lungsod.

Isasabay sana umano ang pag-atake sa araw mis­mo ng bonggang birth­day celebration ni Pac­quiao.