Protesta ng Piston tigil muna dahil Pasko

Wala munang gaga­wing mga kilos protesta ang militanteng transport group na Pinag-isang Samahan ng Tsuper at Operator Nationwide (Piston) laban sa mga kum­panya ng langis upang bigyan daan ang ispiritu ng kapaskuhan.

Ayon kay George San Mateo, secretary general ng Piston, pansamanta­lang tigil muna ang kani­lang grupo sa anumang planong protesta laban sa mga oil companies hinggil sa pagbababa sa presyo ng produktong petrolyo at dahil holiday season na­man, mana­natili na lamang silang su­subaybay sa presyo ng petrolyo.

“Pahinga muna pero patuloy kaming magiging vigilant at babantayan namin ang presyo ng langis sa world market at pano ito pinapatupad o nire-reflect ng oil companies sa ating pump price”pahayag ni San Mateo.

Gayunman, sinabi ni San Mateo kung may ma­gaganap na malaki­hang pagbaba sa presyo ng oil products sa world market at walang nag­baba ng presyo nito sa bansa, posibleng gaga­wa sila ng hakbangin para tuligsahin ito.

Sa kasalukuyan ,ang presyo ng produktong petrolyo sa world market ay mababa sa $44 kada bariles at ang average gasoline prices ay uma­abot na lamang sa $1.80 kada gallon. (Angie dela Cruz)