Bantay korte inilunsad

Inilunsad kahapon ng ibat-ibang organisas­yon at kilalang mga per­sonalidad ang Bantay Korte Suprema dahil magiging kritikal ang sitwasyon sa Supreme Court sa taong 2009 na, rito, pitong mahistrado ang nakatakdang mag­retiro.

Ayon kay dating Supreme Court Chief Justice Artemio Pangani­ban, layon ng Bantay Korte Suprema na ma­tiyak ang transparency para sa gagawing pag­pili ng mga susunod na SC Justices.

Nangangamba aniya sila na kapag mga ap­ poin­tee ni Pangulong Arroyo ang halos buong bilang ng mga mahis­trado ng Korte Suprema ay mabago ang pana­naw nito at mawala ang pagi­ging independent nito.

Kabilang sa mga bu­mubuo ng sa Bantay Korte Suprema sina Pa­nga­niban, Senator Fran­cis Pangilinan na miyem­bro din ng Judicial and Bar Council, iba’t ibang legal academe, lawyer’s association at chambers of commerce.

Naniniwala si Pangi­li­nan na mapanganib sa interes ng publiko ang pagtatalaga ni Pangu­long Arroyo ng pitong mahis­trado ng Korte Suprema sa susunod na taon. (Gemma Amargo-Garcia)