Dela Paz sisipot ngayon sa Senado

Walang planong tuma­kas at 99% lalantad nga­yong araw sa Senado si dating PNP Comptrollership Eliseo de la Paz ka­ugnay ng kontrobersiyal na Russia trip.

Ito ang kinumpirma kahapon ni Atty. Noel Malaya, legal counsel ni dela Paz, matapos na hilingin ng mga Senador sa Bureau of Immigration and De­portation (BID) na mag­palabas ng hold departure order laban sa retiradong opisyal.

Ayon kay Malaya, pa­balik na sa Maynila galing sa probinsya ang kanyang kliyente at sa sandaling makarating ito ay agad silang magtutungo sa Senado at hindi na hihin­tayin pa ni dela Paz na ares­tuhin siya ng Senate Sergeant-at-Arms.

Siniguro din ni Malaya kikilalanin ng kanyang kli­ yente ang subpoena na ipi­nadala ng Senado at dadalo sila sa pagdinig ng Committee on Foreign Affairs na pinamumunuan ni Sen. Miriam Defensor Santiago.

Bukod kay dela Paz ay mayroon din subpoena ang maybahay nito na si Maria Fe subalit maki­kiusap umano sila na huwag nang idamay pa ang ginang. (Joy Cantos)