P100B rescue fund ok kay GMA

Pinaboran ni Pangu­long Arroyo ang pagkaka­roon ng P100 bilyong private-public fund na gaga­mitin sa pag­ha­rap saka­ling magkaroon ng recession sa US eco­nomy.

Ayon sa Pangulo sa kanyang pagdalo sa 34th Philippine Business Conference sa Manila Hotel, ang hakbang na ito ay para sa pagharap sa kri­sis tulad ng agresibong programa para sa agri­kultura, monitoring sa job order sa ibang bansa at pagpapalawig sa private financing.Ang pondo ay paghahatian ng government financial institutions at business sector.

Ipinagmalaki din ng Pangulo ang inilaang P260 milyon para sa livelihood projects sa mama­mayan.

Nauna rito, inireko­men­ da ng mga negos­yante kay PGMA ang pag­lalagay ng standby fund sa halip na bailout package tulad ng ginawa ng US government para pro­tek­tahan ang eko­no­miya ng bansa sa narara­nasang global financial crisis.

Sinabi naman ng mga ne­­gosyante na walang ma­­sa­ma sa paglalagay ng standby fund kahit hindi pa tayo apektado ng global financial crisis.