'Dala kong pera legal'

Nakabalik na kahapon sa bansa ang kontro­ber­siyal na si ret. PNP Comptroller Eliseo dela Paz kung saan humingi ito ng tawad sa kahihi­yang idinulot niya sa ating bansa at Philippine National Police dahil sa nadiskubreng P6.9 mil­yon sa kanyang bagahe. 

“I apologize deeply to our people and to our government for the untoward incident at the Moscow International Airport that last week touched off an inter­ natio­nal embarrassment  for our country,” buong pagpapakum­babang paghingi ng sorry ni dela Paz sa kauna-unahang pagharap nito sa media ilang oras mata­pos itong dumating sa NAIA.

Bagaman iginiit na wala siyang ginawang ano­malya, humingi rin ng pa­uman­hin si dela Paz sa mga kapwa nito de­legado sa 77th International Police (Interpol) conference na dumalo sa St. Pe­tersburg, Russia noong Ok­tubre 6-10 bu­nga ng insidente.

“ I am ready and willing to face any investigation as I have nothing to hide, the money was acquired legally for a legitimate purpose,“ ani dela Paz kaugnay ng ipinata­tawag na imbestigasyon ng Senado at Ombudsman sa mga binansagang Euro generals.

Paliwanag ni dela Paz, pinahintulutan siya para sa pagpapalabas ng P10-M cash advance bonded authority pero P6.93M lamang ang kani­lang dala na nai-convert na sa 105,000 Euros para sa standby revolving fund sa nasabing opisyal na biyahe.

Inamin din niya na bu­kod sa P6.9 milyon na naharang sa kanya ay may dala pa itong P2.3 milyon na nauna nang inaprubahan ng Napol­com.

Pero kahit malaki ang dala nilang pera ay hindi umano sila gumastos sa mga bagay na hindi kinakailangan.

Tiniyak ni dela Paz na sa lalong madaling pana­hon ay isusumite niya ang liquidation report ng ka­buuang ginastos nila sa Russia at ibabalik ang natitirang pondo.

Handa rin anya siyang ipakita ang lahat ng do­kumento sa imbestigas­yon na naghihintay sa kanya tungkol sa pagda­dala niya ng “cash advance.”