Kisame ng NAIA 3 bumagsak na naman!

Sa ikatlong pagkaka­taon, bumagsak ang isang bahagi ng kisame ng ba­gong Ninoy Aquino International Airport (NAIA) Terminal 3 habang kasag­sagan ng malakas na ihip ng ha­ngin at ulan bunga ng pag­hagupit ng bag­yong “Marce” kahapon ng ma­daling-araw.

Dakong ala-1:30 ng madaling-araw nang bu­mi­gay at tuluyang bu­ mag­sak sa sahig ng arrival area malapit sa carousel #7 ang kisame ng mezzanine na naba­balutan ng tiles ng fiber cement o gypsum board at ilang metal parts.

Sinabi ng Manila Inter­na­tional Airport Authority (MIAA), nakita ng naka­tala­gang security guard ang pagbagsak ng ki­same (may sukat na 7 meter by 1 meter) na agad nitong ipinagbigay-alam sa kan­yang superior. Wala na­mang naiulat na na­saktan sa nasabing insi­dente.

Ayon kay MIAA General Manager Al Cusi, ang pag­kakabagsak ng bubu­ngan ay bunga ng pagka­ka­tang­gal ng hook na kina­kabitan ng gypsum board dahil sa ilang mga pagga­law ng istrak­tura.

Agad namang inayos ang nasirang kisame ng Takenaka, ang kontraktor na gumawa ng NAIA 3, at tinayuan at tinakpan ng plywood ang lugar upang hindi makasagabal sa mga nagdaratingang pa­sahero.

Tinatayang aabutin ng 2 araw bago ito ma­kum­­puni. (Ellen Fernando)