Dahil sa Ramadan: Labanan sa Mindanao pinatitigil

Hinimok ng isang alyansa ng mga sama­han ng mga overseas Filipino workers sa Mid­dle East si Pangulong Gloria Macapagal-Arroyo na ipatigil ang military operations sa Min­danao bilang pagpapa­kita ng respeto sa gaga­wing paggunita sa bu­wan ng Ramadan sa Setyembre.

Ayon sa Migrante Middle East na may mga miyembrong Muslim, bilang commander-in-chief, dapat ipatigil ng Pangulo ang operasyon ng militar sa Mindanao upang maipakita ang paggalang sa Ramadan na isang  banal na okas­yon para sa mga Muslim.

Kinondena rin ng gru­po ang anila’y pag-i-initiate ng pamahalaan ng labanan sa Minda­nao dahil sa kontrober­syal na Memorandum of Agreement on Ancestral Domain.

Iginiit naman kaha­pon ng Pangulo sa Organization of Islamic Conference na walang inilulunsad na all-out-war ang gobyerno laban sa Moro Islamic Liberation Front sa Mindanao.

Sinabi ni Pangulong Arroyo sa kanyang ta­lum­pati sa ground break­ing ng Global Gateway Logistics City na ang military at police operations ay laban lamang kina Kumander Umbra Kato at Ku­ man­der Bravo na respon­sable sa pag-atake sa mga sibilyan at militar sa Lanao del Norte, North Cotobato at Sa­ranggani. (Mer Layson at Joy Cantos)