BI wag sisihin sa pagdami ng OFWs sa Jordan

Hindi dapat ibunton ni Senate President Manny Villar ang lahat ng sisi sa Bureau of Immigration (BI) sa dumaraming bilang ng overseas Filipino workers na ilegal na nakakapasok sa Jordan sa kabila ng travel ban na ipinatutupad ng pamahalaan.

“It is not the duty of BI to know whether an OFW is intending to go to Jordan illegally or to other countries indicated in their travel documents,” wika ni Atty. Batas Mauricio, founder at first nominee ng party list group BATAS or Bagong Alyan­sang Tagapagta­gu­yod ng Adhikaing Sam­bayanan.

Ginawa ni Atty. Batas ang pahayag matapos bati­kusin ni Villar ang BI dahil sa kabiguan nitong pigi­lin ang pagpasok ng migrant workers sa Jordan, sa ka­bila ng ipinatutupad na travel ban ng OFWs sa magulong bansa sa Middle East.

Hinikayat naman ni Atty. Batas si Villar na magpasa ng batas na pipigil sa prak­ tis ng paggamit ng ibang bansa bilang jump-off point ng OFWs upang mapasok sa bansa na may travel ban. (Butch Quejada)