18 taon sa PSG major ok sa Sandiganbayan

Pinagtibay ng Sandiganbayan ang hatol na 18 taong pagkabilanggo kay Major Joel C. Cantos, dating commanding officer ng 22nd Finance Service Center ng Presidential Security Group, na napatunayang nagkasala ng malversation dahil sa pagkamkam sa  P3.27 milyon pondo ng gobyerno.

Bukod dito, pinagmumulta din ito ng halagang P3.27 milyon at dagdag na P3.27 milyon bilang reimbursement sa PSG.

Hindi naman pinaniwalaan ng Sandigan­bayan ang pahayag ni Cantos na ang naturang pondo ay nanakaw ng hindi kilalang indibidwal sa isang vault na winasak mula sa kanyang opisina. (Angie dela Cruz)