Pagkakaisa hihingin ni GMA sa SONA

Katulad nang inaa­ sahan, isa sa hihilingin ni Pangulong  Arroyo sa mga mamamayan sa kan­ yang State of the Na­tion Address (SONA) bukas ay ang pagkaka-isa ng bansa.

Ayon kay Press secre­tary at presidential spokes­man Jesus Dureza, hihi­ngiin din ng Pangulo sa mga Filipino na tulungan ang mga mahihirap upang mapatatag ang bansa    sa gitna ng nararana­-sang krisis.

Sinigurado ni Dureza na magbibigay ng mali­naw na ulat sa bayan ang Pangulo sa kabila ng na­pakaraming problemang kinakaharap ngayon ng gobyerno.

“Kailangan sama-sama tayo, tulungan ang mahirap at patatagin ang bansa so when I turn over the presidency ang susu­nod di mahihirapan,” ani Dureza na posibleng sa­bihin ng Pangulo.

Ipapakita rin umano ng Pangulo sa kanyang SONA na isang presi­dente na nakahandang magsakripisyo sa pama­magitan nang paggigiit ng mga desisyon na hindi naaayon sa kagustuhan ng mga mamamayan.

Inihalimbawa nito ang patuloy na paniningil ng gobyerno sa value ad-ded tax (VAT) na matagal nang hinihiling ng mara­ming sector na pansa­man­talang suspendihin.

Sinigurado rin ni Du­reza na hindi magbaba-go ang paninindigan ng Pangulo at ipagpapatuloy nito ang mga nasimulan hanggang sa matapos ang kanyang termino.

Inaasahan din na ipaliliwanag ng Pangulo sa kanyang ika-walong SONA ang kahalagahan nang pananatili ng VAT.