PAGASA pinasasagot sa demanda ng Sulpicio

Inatasan kahapon ng Manila Regional Trial Court ang Philippine Atmospheric Geophysical and Astronomical Services Administration na magpaliwanag sa loob ng 15-araw hinggil sa kinakaharap na P4.45 milyong damage suit na isinampa ng Sulpicio Lines Inc. kaugnay sa umano’y kapabayaan ng ahensya na naging sanhi ng paglubog ng M/V Princess of the Stars.

Ang kautusan ay ipinalabas ni Manila RTC Branch 26,  Judge Silvino T. Pampilo Jr..

Naunang inihain ng Sulpicio ang demanda  laban sa pamunuan ng PAGASA.

Sinisi ng Sulpicio ang PAGASA na hindi ito naging maagap sa pagbibigay ng update sa direksiyon ng bag­yong ‘Frank’  na naging dahilan sa paglubog ng barko.

Iginigiit ng PAGASA sa mga nauna nitong pahayag na hindi ito nagkamali sa pagbibi­gay ng babala hinggil sa pagdating ng bagyo sa karagatan ng Visayas.

Mariing kinokondena ng marming opisyal at sektor ang pangasi­waan ng Sulpicio dahil hina­ yaan nitong bumi­yahe ang barko kahit masama ang panahon na nagbu­nga sa pagka­matay ng marami nitong pasahero. (Ludy Ber­mudo)