Tax exemption sa minimum wage earners, aprub na sa Senado

Good news sa mga minimum wage earners!

Sa botong 15-0 lumu­sot sa ikatlo at huling pagbasa sa Senado ang panu­kalang batas na mag-aamiyenda sa ilang sections ng National Internal Revenue Code of 1997 upang malibre sa bu­wis ang sahod o income tax ng mga manggaga­wang su­masahod lamang ng minimum.

Exempted din sa pag­ba­bayad ng income tax ang mga empleyado ng gobyerno na ang salary grades ay 1 hanggang 3.

Bagaman at lumusot na rin kamakailan sa Maba­bang Kapulungan ng Kon­greso ang halos kahalin­tulad na batas, ipinali­wanag ni Sen. Francis “Chiz” Escudero na sa bersiyon ng Senado, exempted din sa buwis ang holiday pay, hazard pay, overtime pay, at maging ang nightshift differential pay.

Layunin ng panukalang tax exemptions ang mapa­laki ang take home pay ng mga ordinaryong mangga­gawa ng sumasahod la­mang ng minimum sa gitna ng patuloy na pagmahal ng mga pangunahing bilihin. (Malou Escudero)