Bagong ‘low pressure area’ namataan

Inaasahan ang sunud-sunod na pasok ng bag­yo sa Pilipinas matapos na mamataan ang isa na namang “low pressure area” sa bahagi ng Min­doro kahit na hindi pa nakakalabas ng bansa ang bagyong si “Butchoy”.

Sa advisory ng Philip­pine Atmospheric Geo­phy­sical and Astrono­mical Services Adminis­tration (Pagasa), nama­taan si Butchoy may 980 kilometro sa silangan ng Hilagang Luzon dakong alas-2 ng madaling araw.

Taglay pa rin nito ang lakas na hangin 185 kilo­metro kada oras malapit sa gitna at may bilis na 20 kilometro kada oras patungo sa Hilaga ng ban­sa.

Namataan naman ang bagong LPA may 260 kilo­metro sa kanluran ng Mindoro. Hindi naman tiyak ng Pagasa kung magtutuluy-tuloy ito na mabuo bilang ganap na bagyo ngunit nagbabala na rin sa mga residente ng Southern Luzon, Visa­yas at Mindanao ng ma­naka-nakang pag-ulan at posibiliad ng pagguho ng lupa. (Danilo Garcia)