Napocor magre-refund

Nakahandang magbi­gay ng “refund” ang Natio­nal Power Corporation (Napocor) kaugnay ng kinukuwestiyong isyu ng “overcharged” o sobrang singil na ipinapataw nito sa mga consumer sa singil sa kuryente.

Sa isang press statement, sinabi ng Napocor na inihahanda na nila ang pagsosoli ng P40 senti­ mos refund para sa kani­lang consumer sa Luzon at P39 sentimos naman sa mga taga-Mindanao.

Una rito, pinagpapali­wanag ng Energy Regulatory Commission (ERC) ang Napocor hinggil sa kabiguan nito na maisu­mite ang kanilang aplikas­yon sa ilalim ng Generation Rate Adjustment Mechanism (GRAM) at Incremental Currency Exchange Rate Adjustment (ICERA) mula Hulyo 2006 hanggang Marso 2008.

Ayon sa ERC, lumala­bas na nagkaroon ng over-recovery o sobrang singil ang Napocor ng P20 sentimos per kilowat-hour (kwh) o kabuuang P10 bilyon sa loob ng nabang­git na panahon.

Nakahanda naman umano ang Napocor na magpaliwanag sa ERC hinggil sa isyu.

Sa katunayan, naka­tak­­ da na rin ang pag­hahain nila ng aplikasyon para sa GRAM at ICERA subalit hinihintay lamang umano ang pinal na de­sisyon ng power board ukol dito.

Kaugnay nito, muli namang nanindigan ang Napocor na hindi sila nag-overcharged sa mga customer sa singil sa kuryente na dagdag pasakit lalo na sa mahihirap. (Joy Cantos)