JDV naospital sa Qatar

Itinakbo sa isang ospital sa Doha si dating House Speaker Jose de Venecia Jr., ng maka­ranas ng sobrang pagod sa kanyang pakikipag­salimuha sa mga ma­tataas na pinuno ng bawat bansa sa buong mundo.

Napagod ng husto si de Venecia, sa ginagawa niyang speaking engagement sa abroad kaya minabuti ng kanyang mga kasamahan na dalhin siya sa ospital para maka­pagpahinga at malaman kung ano talaga ang nararamdaman ng kon­gresista.

Si de Venecia ay pa­punta pa sana sa Cape Town, South Africa, para sa isang pagpupulong sa Inter-parliamentary Union ng makaranas ng matin­ding pagod.

Gayunman,sinabi ng mga kasamahan ni de Venecia na pinagpapa­hinga lamang ito ng doktor. (Butch Quejada)