Iginiit ni Atty. Trixie Cruz-Angeles, abogado ng puganteng si Marine Capt. Nicanor Faeldon na impostor at sinungaling ang nagpakilalang Faeldon dahilan personal niyang kilala ang kanyang kliyente.
“First of all yung Visayan accent nya, my client (Faeldon) is from Batanes, it’s not him, it’s not his style, he is an impostor talaga” ani Cruz- Angeles .
Sinabi ni Angeles na bilang abogado ni Faeldon ay personal niyang kilala ang kaniyang kliyente at hindi umano boses ng Magdalo leader ang nainterbyu ng isang lady reporter.
Idinagdag pa ni Cruz-Angeles na wala umano sa personalidad ni Faeldon na manggamit ng ibang tao para sumikat. Tiniyak pa ni Angeles na kung magsasalita man si Faeldon sa publiko ay dadaan ito sa kaniya bilang kanyang abogado.
Sa kasalukuyan aniya ay hindi pa rin sila nagkakauap ng kanyang kliyente at kahit umano ang mga pamilya ni Faeldon ay blanko din sa kinaroroonan nito. (Joy Cantos)