Riot dahil sa bigas di mangyayari sa Pinas

Naniniwala si Tagbi­laran Bishop Leonardo Medroso na hindi maga­ganap sa Pilipinas ang pagkakaroon ng riot dahil sa pagkain tulad nang nagaganap sa ibang ban­sa, dahil mayroon naman umanong suplay ng pag­kain ang bansa.

Bagamat paminsa-min­san aniya ay nagka­karoon ng kakulangan sa ibang uri ng pagkain, tulad ng bigas sa kasalukuyan, ay madali umanong na­kakapag-adjust ang mga Pinoy at hu­mahanap ng ibang alter­natibo kaya hindi nagkaka­roon ng riot dahil sa kawa­lan ng pag­kain.

Pahayag pa ng Obis­po, nasa “nature” na uma­no ng mga Pinoy ang paggawa ng paraan upang mare­solba ang isang emergency dahil sa pagiging matiisin ng mga ito.

Sinang-ayunan na­man ni Fr. Anton Pascual, executive director ng Caritas Manila at pangulo ng Radio Veritas, ang pahayag ni Medroso hinggil sa pag­kakaroon ng riot sa pag­kain.

Ayon kay Pascual, ba­gamat mayroong krisis sa pagkain sa buong mun­do, naniniwala naman umano siya na hindi magaganap sa Pilipinas ang nagaga­nap sa ibang bansa na nagra-riot at nagiging ba­yolente ang mga tao dahil sa kawalan ng ma­kain. 

Paliwanag ni Pascual, nasa kultura ng mga Pinoy ang pagiging ma­sayahin at peace-loving kaya pinagta­tawanan la­mang ng mga ito ang problema.

Bukod pa dito, marami rin naman aniya kasing substitute ang mga Pinoy sa bigas lalo na sa mga kanayunan tulad ng mais, kamote at iba pang mga halamang-ugat at madali rin umanong mag-adopt ang mga Pinoy sa mga pro­blema kaya hindi aniya sila ganoon kadaling magka­roon ng nega­ti­bong reak­syon. (Doris Franche)