Chinese mafia tugis sa rice hoarding

Kasalukuyang sinisi­ yasat ngayon ng Bureau of Immigration ang ma­impluwensyang sindi­kato ng mga dayuhang Chinese na nagma­manipula sa suplay at presyo ng bigas sa bansa.

Responsable  uma­no ang Chinese mafia sa grabeng pagtaas sa presyo ng bigas sa naka­lipas na mga araw kaya mabilis nauubos sa pa­milihan ang murang bigas ng National Food Authority.      

Kaugnay nito, hina­habol na rin ng BI ang sindikato ng isang Chinese national na ku­mikilos sa Isabela.

Ayon kay BI Commissioner Marcelino Liba­nan, nakatanggap sila ng ulat na isang Chinese national ang siyang may kontrol  ng  pagbe­benta at nagma­manipula ng presyo ng bigas sa na­sabing la­lawigan.

Dahil dito, agad nag­padala ng grupo si Liba­nan sa Isabela upang im­bestigahan ang nasa­bing mga dayuhan kung aw­ to­ri­sado ang mga ito na mag negosyo sa ban­sa.

Kaugnay nito, agad namang nagpalabas ng nationwide alert ang BI laban sa mga dayu­han na bumibili ng agricultural products na may intensiyong mag­tago at magmanipula ng bigas.

Sa hiwalay na pana­yam, sinabi kahapon ni Department of Justice Secretary Raul Gonza­lez na alam at may basbas ni Pangulong Gloria Arroyo ang plano ng pamahalaan na kum­piskahin ang mga bo­dega ng mga manga­ngalakal na nag­bantang magsa­sagawa ng rice  holiday.

Sinabi ng kalihim na ang pagkumpiska sa mga bodega ay alinsu­nod sa probisyon ng 1987 Constitution na nag­ bibigay ng protek­syon sa kapakanan ng lahat sa panahon ng mga emergency kabi­lang na ang mga “artificial shortage”.

Ang take over scenario umano ay tinala­kay sa Cabinet meeting noong nakaraang ling­go na inaprubahan na­man ng Pangulong Arroyo ang naturang opsyon.

Pinayuhan naman ng Kalihim ang mga rice dealers na pag-isipang mabuti kung igigiit nila ang banta nilang pag­ daraos ng rice holiday matapos na bawiin ng gobyerno ang kanilang permiso na makapag retail ng bigas.