NFA at NBI kapit-bisig sa bigas

Kapit bisig ang pamu­nuan ng National Food Authority (NFA) at ang National Bureau of Investigation (NBI) para tulu­yang masugpo ang ope­rasyon ng ilang mga tiwa­ling ne­ gosyante ng bigas sa bansa. 

Kasalukuyang binaba­langkas ng magkabilang panig ang isang kasun­duan para pormal na pa­lakasin ang kanilang kampanya laban sa  rice hoarding, rice diversion at pagtaas ng presyo ng bigas.

Ayon kay NFA Administrator Jessup Navarro, pur­sigido silang  galugarin ang  mga warehouse sa buong bansa na hinihina­lang nag­tatago ng sako-sakong bigas, katuwang ang mga tauhan ng NBI.

Ikinatuwa naman ng Malacanang ang positibong reaksyon ng Simbahan, gobyerno, magsasaka at LGU’s sa harap ng mga problema sa bigas. 

Sinabi ni Cabinet Secretary Ricardo Saludo, matiti­ yak ang seguridad sa rice supply kung magtutu­lungan ang lahat ng sector kaysa magbatuhan ang mga ito ng paninisi sa pamahalaan. (Angie dela Cruz/Rudy Andal)