Pinayuhan ni Caloocan Bishop Deogracias Iñiguez si Justice Secretary Raul Gonzalez na tignan muna ang kanyang sarili bago magbitaw ng anumang salita laban sa kanyang kapwa.
Ayon kay Iñiguez, walang karapatan si Gonzalez na tawagin silang “ugok” dahil lamang sa pagbatikos sa maling ginagawa ni Pangulong Gloria Macapagal-Arroyo.
Sinabi ni Iñiguez na dapat na tingnan ni Gonzalez ang sitwasyon lalo pa’t siya ang Kalihim ng Katarungan na matagal nang hinihingi ng publiko. Aniya, hingi ng publiko ang katarungan para sa katotohanan.
“Mas makabubuting ting nan muna ni Gonzalez ang kanyang sarili sa salamin bago pukulin ng salita ang mga obispo,” ani Iñiguez.
Dahil dito, lalong tumitibay umano ang paniniwala ni Iñiguez na posibleng may masamang ginagawa ang Pangulo kaya kaliwa’t kanan ang mga pagbatikos dito.
Bukod dito, lumalabas na rin ang tunay na kulay ni Gonzalez na kulay itim dahil sa mga pahayag nito.