Exile ni GMA sagot sa gusot sa bansa

Walang ibang dapat ma-exile o umalis sa bansa sa ngayon kundi si Pa­ngulong Arroyo, ayon kay Senate Minority Leader Aquilino Pimentel Jr.

Sinabi ni Pimentel na matitigil lamang ang galit ng taumbayan na anu­mang oras ay puwedeng sumiklab kung lalayas sa bansa ang Pangulo.

Ginawa ni Pimentel ang reaksiyon matapos umalis ng bansa kahapon si First Genleman Mike Arroyo.

Sinabi ni Pimentel na hindi na siya nagtataka na sa tuwing magkakaroon ng imbestigasyon kung saan ipatatawag ang Unang Ginoo ay lumalabas ito ng bansa.

Hindi rin umano niya malaman kung bakit hindi sinunod ng Unang Ginoo ang payo ng Pangulo sa kanyang asawa na luma­bas na lamang ng bansa upang hindi magulo ang pagpapatakbo ng gob­yerno.

Posible aniyang tinata­kasan na lamang ng Unang Ginoo ang kan­yang konsensiya dahil sa nga­yon ay wala pa na­mang nagpapatawag sa kanya at ang isinasa­gawang pag­dinig ng Office of the Ombudsman at ng Department of Justice (DOJ) ay ma­ituturing na “friendly forum”. (Malou Escu­dero)