300 empleyado ng Skyway nagmartsa ulit

Muling naglunsad kahapon ng kilos-pro­testa ang mahigit sa 300 empleyado ng PNCC Skyway Corp. kasabay ng kanilang muling pag-martsa sa kabahaan ng Skyway  sa Bicutan pa­tu­ngong Parañaque na nagdulot naman ng lub­hang pagsikip ng daloy ng trapiko dito.

Nabatid na nagsa­gawa ng kilos-protesta ang nasabing mga ka­wani makaraang  isalin ang pamamahala ng Skyway sa Citra na isang Indonesian firm at sibakin sila sa kanilang trabaho.

Hiling naman ng na­sabing mga kawani na ibalik sila sa kanilang mga trabaho base na rin umano sa naging de­sisyon ng Department of Labor at kung hindi ay hindi rin umano sila titigil sa pagma-martsa sa na­sabing lansangan.

Magugunita na unang nagsagawa ng kilos-protesta at pag-martsa ang nasabing mga ka­ wani noong Lunes sa mismong ka­ha­baan ng South Luzon Expressway (SLEX) da­hilan upang mag­karoon ng matinding pag­sikip ng daloy na trapiko sa na­sabing lansangan.

Kahapon ay muling naulit ang nasabing trapik bunga na rin ng muling pag-martsa ng nasabing mga kawani.

Ayon naman sa mga motorista na lubusan silang naapektuhan sa nasabing insidente at labis nilang ikinaiirita ito. (Rose Tamayo-Tesoro)