GMA: ‘Di pa panahon’

Ipinahiwatig kahapon ni Pangulong Gloria Macapagal Arroyo na hindi pa napa­ pana­hong pa­la­yain ang senten­syadong child rapist na si dating Zam­boanga del Norte Congressman Romeo Jalos­jos.

Ginawa ng Pangulo ang pahayag kasabay ng paglilinaw ng Mala­kanyang na walang utos ang Punong-Ehekutibo na palayain mula sa New Bilibid Prison sa Muntin­lupa ang dating mam­babatas.

Ayon kay Chief Presidential Legal Counsel Sergio Apostol, ipina­malas lamang ni Pangu­long Arroyo na isa itong “listening President” na mas pinakinggan ang sigaw na tao na huwag munang palayain si Ja­losjos.

“Hindi pa napapana­hon upang mapalaya si Jalosjos. Ipinakita ng Pangulo na kahit kaal­yado niya ay nananaig pa rin ang sintimyento ng taumbayan,” wika pa ng chief presidential legal counsel.

Hindi kabilang si Ja­losjos sa 57 bilanggo na binigyan ng presidential pardon ni Pangulong Arroyo kamakalawa bilang regalo ngayong Kapas­kuhan.

Magugunita na na­ pabalitang makakalaya kamakalawa si Jalosjos mula sa kanyang piitan pero mariin itong pinabu­laanan ni Department of Justice Secretary Raul Gonzalez.

Kasabay nito, sinimu­lan kahapon ng DOJ ang imbestigasyon sa pag­ka­lat ng balita hinggil sa paglaya ni Ja­losjos.  Italaga ni Gonza­lez si Undersecretary Fidel Exconde na pamu­nuan ang imbestigasyon la­ban sa mga opisyal ng Bureau of Corrections.

Nais malaman ng Ka­lihim kung paano naipa­labas sa media ang kop­ya ng discharge sheet at kung sino ang nasa likod ng pagpapakalat ng photo copy ng discharge sheet kay Jalosjos ga­yun din kung sino ang na­kalagda dito.

Nabatid na si Jalosjos ay nakatakda sanang palayain noong Disyem­bre 16 subalit hinarang ito ni Gonzalez at inata­san ang Bucor na ipa­natili sa kulungan ang dating Kongresista.

Subalit batay umano sa komputasyon ni Gon­zalez, sa Abril 2009 pa dapat mapalaya Jalosjos at hindi noong linggo.

Tumanggi naman ang Kalihim na tukuyin ang mga kaso na ma­aring kaharapin ng mga opisyal ng Bucor na papanagutin tungkol sa kumalat na tsismis.

Nilinaw pa ni Gonza­lez na hanggang sa ngayon ay pinag-aaralan pa ng DOJ ang computation ni dating Bucor Director Vicente Vinarao kung saan nakasaad sa December 16 dapat ay mapalaya na si Jalosjos base sa ipinagkaloob na “commutation of sentence” dito.

Sa hiwalay na pa­na­yam,  igi­niit ni Jalos­jos na nakala­bas siya ng NBP noong Linggo. Huli siyang nakitang luma­labas mula sa maximum security compound ng bi­lang­guan bago mag­tanghali kahapon. 

Ayon kay Ja­los­jos, sa huling instruction sa kanya ng mga pri­son officials, pansa­mantala siyang mananatili sa isang bahay sa NBP re­servation na hindi uma­no sakop ng maximum security area.

Sinabi pa ni Jalosjos na talagang nakalabas siya sa NBP at bumalik na lamang matapos niyang mapag-alaman na hinaharang ng DOJ ang kanyang paglaya. Na­katakda na sana siyang umuwi sa Dipo­log, Zamboanga del Norte ngayong Huwe­bes kundi hinarang ni Gonzalez ang kanyang tuluyang paglaya.

Magugunita na mis­mong  si PAO Chief Atty. Percy Acosta ang nag­kum­pirma na laya na si Ja­losjos at maging ang huli ang nagkumpirma rin sa media na nakalaya na ito.

Si Jalosjos na hinatu­lan ng double life sentence ay nakapag-ser­bisyo na ng 13 taon sa loob ng NBP matapos mapatunayang gina­hasa nito ang isang 11-anyos na dalagita noong 1995.

Ayon sa ulat, naka­ tanggap ng kopya ng discharge certificate si Ja­losjos mula sa kanyang sekretaryang si Susan Arguelles. Nilagdaan ito ni Penal Supt. lV Juanito L. Leopando.

Sinabi pa ni Jalosjos sa media na nagawa niyang makapag-al­musal kasama ang kan­yang mag-anak sa labas ng NBP.

Nagtungo na umano si Jalosjos sa kanyang ba­ hay sa M. Araullo Street, Katarungan village malapit sa NBP.

Iginiit pa ni Jalosjos na legal ang kanyang re­lease order at kukuwes­tyunin ng kanyang mga abogado ang anumang hakbang na muli siyang ikulong sa maximum security prison.