Kaso vs House bomber isasampa

Takdang kasuhan ngayong Lunes  ng Philippine National Police  ang tatlong suspek sa pambo­bomba sa Batasan Complex na ikina­ sawi ni Basilan Rep. Wa­hab Akbar at iba pa nitong Nobyem­bre 13.

Sinabi ni National Capital Region Police Office Chief Director Geary Barias na isa­sampa nila sa Department of Justice ang mga kasong murder at multiple serious physical injuries laban kina Ikram Indama, Kaidar Aunal at Ad­ ham Ku­sain.

Nadakip ang tat­long noong Huwebes sa isang pagsalakay ng mga puwersa ng PNP at Philippine Army sa hinihinalang safehouse ng Abu Sayyaf sa Pa­yatas-B, Quezon  City. Tatlo pang suspek ang na­sawi sa naturang ope­rasyon.

Sa kabila nito, aala­min pa rin ng binuong Task Force sa DOJ ang pinal na mga kaso na isasampa sa mga sus­pek na kasalu­kuyang nasa kusto­diya ngayon ng Intelligence Security Group ng Philippine Army sa Fort Bonifacio, Taguig City.

Hindi rin naman isi­nasaisantabi ni Barias na maaaring gawing “state witness” ang tatlong suspek upang mas lalong bumilis ang takbo ng imbes­tigas­yon at mapa­nagot ang mga taong nasa likod ng natu­rang pambo­bomba.

Hindi naman ito nag­bigay ng pahayag sa posibleng pagka­kaugnay ni dating Ba­silan Rep. Gerry Sala­puddin sa insidente matapos na madakip ang dati nitong driver na si Indama sa Pa­yatas. Una nang nag­tungo si Salapuddin sa PNP-Criminal Investigation and Detection Group kung saan iti­nanggi nito ang mga akusasyon.

Patuloy pa rin na­man ang mga awtori­dad sa pagpiga sa mga suspek sa mga impor­masyong na­la­laman at pag-iim­bes­tiga sa mga naibigay na sa kani­lang ma­hahalagang impor­masyon ng tat­long suspek.

Samantala, sinabi kahapon ni Manila Archbishop Gau­den­cio Rosales sa pa­nayam ng Radio Ve­ritas na hindi dapat tumigil sa pag­ha­hanap ng katoto­hanan ang publiko ka­ugnay sa naganap na pag­papasabog kama­ka­ilan sa Batasan Com­plex.

Sinabi ni Rosales na hindi mapapa­lagpas ng simbahan ang anu­mang uri ng karaha­san, anuman ang ra­son ng mga taong nasa likod nito. (May ulat ni Mer Layson)