Pamumudmod ng pera labag sa election ban

Ipinaalaala kahapon ni Sen. Francis Escu­dero na naparakaming batas ang nilabag ng Malacañang sa pamu­mudmod ng pera sa mga congressmen at mga lokal na  opisyal ng gob­ yerno at kabilang dito ang election ban na nagbaba­wal sa pamu­mudmod ng salapi.

“Election ban nga­yon, bawal mamigay ng pera, bawal mamigay ng pro­yekto at panghuli siguro kung magka­ka­roon ng su­hulan at bi­gayan bakit sa lahat ng lugar sa Ma­laca­ñang pa”, sabi ni Escu­ dero.

Sinabi pa ni Escu­dero na ginawa nang “basura­han” ang respe­tong ibini­bigay sa Ma­lacañang dahil nagiging ordinaryong ba­gay na at gawain ang suhu­lan sa nasabing lugar kung saan nakaupo ang pina­kamataas na opisyal ng bansa.

Ayon pa kay Escu­dero, kung matutuloy ang im­bes­tigasyon ng Senado ka­ugnay sa sinasabing su­hulan, dapat pa ring ki­lalanin ang inter-chamber courtesy kung saan hindi maaaring basta-basta na  lamang  ipata­wag ang mga kongre­sistang uma­min na nabig­yan sila ng salapi na naka­lagay sa isang paper bag. Hindi rin dapat gamitin ng Malacañang ang Executive Order 464 sakaling ipatawag si Medy Pobla­dor na nasa­bit na naman ang pa­nga­lan sa bigayan ng salapi.

Sinabi pa ni Escu­dero na mahalagang mai-preserve ang sina­sabing pera na ipina­mudmod ng Ma­laca­ñang dahil maa­ ari itong gamiting ebi­densiya laban sa nag­bigay nito.

Samantala, sa kabila nang pinaiiral na inter-parliamentary courtesy, hini­ kayat kahapon ni  Sen. Panfilo Lacson ang mga kongresistang na­katang­gap ng pera mula sa Ma­lacañang na bo­luntaryong humarap sa gagawing imbestigas­yon ng Senado patung­kol sa umano’y suhulang naganap.

Aminado si Lacson na walang ka­pang­yarihan ang Sena­do na i-compel ang mga Kongre­sista na du­malo sa imbestigasyon ng Kapulu­ngan dahil sa inter-parliamentary courtesy, pero welcome  aniya ang sinu­mang kongresista na nag­na­nais na mag­ bigay ng kanilang tes­timonya sa kontrober­siyang ito, po­sitibo man o negatibo ang ka­nilang ilalahad sa pag­dinig.

Maaari din naman uma­no sa halip na huma­rap sa pagdinig ay mag­bigay na lamang ng kani-kanilang sworn statement ang mga kongresista na  dumalo sa Malacañang meeting noong Miyer­kules. (Malou Escudero)